Durante máis de un século a Real Sociedad de Amigos del País de Santiago foi unha institución de obrigada consulta para calquera proxecto de fomento, modernización ou reforma na agricultura, na gandería, na industria ou nos medios de transporte en Galicia.
As primeiras escolas de debuxo, pintura e música formaron desde o principio unha das actividades principais da Sociedade. A través do arquivo documéntase a actividade de alumnos e profesores nunha das principais de educación artística de Galicia na que estudaron Modesto Brocos ou Ovidio Murguía.
A Real Sociedad Económica de Amigos del País foi tamén pioneira na acción social no noso país. A creación dun Ateneo Popular para a educación das clases obreiras, a búsqueda de fórmulas de crédito para a actividade agrícola, ou as diversas axudas destinadas a garantir a igualdade de oportunidades.
O Arquivo da RSEAPS está integrado por documentos que achegan valiosa información para o coñecemento da historia de Galicia nos séculos XVIII, XIX e XX, e que son unha referencia imprescindible para o estudo de diferentes disciplinas do saber, por exemplo: economía, agricultura, gandería ou educación. Esta páxina permite acceder en formato dixital ao contido íntegro do arquivo histórico.
Esta páxina tamén dá acceso ao proxecto de transcrición cooperativa do Arquivo da RSEAPS. Se desexas colaborar, diríxete á sección de transcricións.
A estatua a Méndez Núñez na Alameda de Santiago
A construción do ferrocarril
Pesca da sardiña
Esta web utiliza cookies para obtener datos estadísticos de la navegación de sus usuarios. Si continúas navegando consideramos que aceptas su uso. Más información X Cerrar
